Ош – Сары-Таш – Эркечтам автожолунда сел жүрдү

28-июль күнү саат 15:30 чамасында Ош – Сары-Таш – Эркечтам автожолунун үч бөлүгүндө сел жүрдү. Транспорт жана жол министрлигинин маалыматына караганда, жалпы көлөмү 1500 куб. метр болгон селдин бийиктиги айрым жерлерде 2 метрге чейин жеткен.

Селдин кесепетинен улам Сопу-Коргон—Терек жолу да жабылган.

Транспорт жана жол министрлигинин жумушчулары тазалоо иштерин жүргүзгөн соң, 29-июлга караган түндө жол ачылды. Азырынча селден жапа чеккендер тууралуу маалымат жок