Испаниянын борбору Мадридде карантин киргизилди
Испаниянын өкмөтү коронавирус абалынын начарлашына байланыштуу Мадридге карантин жарыялады. Бул тууралуу The Guardian өлкөнүн Саламаттыкты сактоо министрлигине шилтеме берүү менен билдирет.
«Мадриддин ден-соолугу Испаниянын саламаттыгы. Мадрид — бул өзгөчө шаар », — деди Испаниянын Саламаттыкты сактоо министри Сальвадор Илья. Акыркы эки жумада табылган COVID-19 менен ооругандардын үчтөн биринен көбүн Чоң Мадрид түзөт, деп жазат BBC News.
Борбор калаанын жашоочуларына жумуштан тышкары бир нече себептерден улам гана
шаардан чыгууга уруксат берилет. Ошондой эле, барлар менен ресторандардын иштөө
убактысы кыскарып, коомдук жайларда алтыдан ашык адамдын чогулушуна тыюу
салынары белгилүү болду. Карантиндин зарыл чаралары жөнүндө талкуулоодо
борбордук бийлик карантин чараларын күчөтөөрүн айтты.
Испанияда коронавирус пандемиясы башталгандан бери дээрлик 749 миң адам оору
жуктуруп, 31 миңден ашыгы көз жумган. Жазында бийлик катуу карантин киргизип,
кийин ал алынып салынган. Бирок, акыркы мезгилде, ар кайсы аймактарда оору
менен ооругандар көбөйгөндүктөн, кайрадан чектөө чаралары көрүлүүдө.
