Суваналиев: Кыргызстандагы чиновниктердин банктык эсептери тоңдурулду

Кыргызстандагы бардык чиновниктердин банктык эсептеринен операция жүргүзүү токтотулду. Бул тууралуу Улуттук коопсуздук боюнча мамлекеттик комитеттин убактылуу милдетин аткаруучу болуп дайындалган Өмүрбек Суваналиев «Азаттык» радиосуна таң эрте интервью берип жатып билдирди. 

«Бардык ммлекеттик органдардын банктагы эсептеринен операция жүргүзүү токтотулду. Андан сырткары, чек ара кызматына бийлик өкүлдөрүн өлкөдөн чыгарбоого буйрук берилди. Талап-тоноочулукка жол бербөө үчүн алдын ала иштер жүргүзүлүп жатат», — деп айтты Суваналииев. 

Азырынча коммерциялык банктар бул боюнча официалдуу билдирүү берише элек.