М. Маматалиев : Депутаттардын кабинеттерин оңдоп-түзөөгө кудурети жетиштүү

Мындай пикирди депутат Марлен Маматалиев Фейсбуктагы баракчасына жазды.

“Белгилүү себептер менен азыркы учурда Ак үй оңдоп-түзөө иштерине муктаж.

Өкмөт оңдоп-түзөө иштерине 450 млн сом бөлүүгө даяр. Бирок 90 % депутаттар иш кабинеттерин оңдоп-түзөө иштерин өз эсебинен жүргүзгөнгө кудурети жетиштүү.

Ар бир депутатка өзүнүн кабинетинин оңдоп-түзөө иштерин өз эсебинен жүргүзүүнү сунуштайм, келгиле компьютерлерди жана ишке керектүү буюмдарды өз эсебибизден алалы.

Ошондо мамлекет тарабынан бөлүнүп жаткан 450 млн сомду азыркы учурдун биринчи кезекте турган курч маселеси — тышкы карызды төлөөгө багыттай алабыз”,-деген ал.