Таласта 375 орундуу мектептин курулушу аяктайт

Талас облусунун Бакай-Ата районунун Миң-Булак айылында Батырбашиев атындагы мектептин курулушу аяктоо алдында турат. Бул тууралуу Мамкурулуш агенттиги билдирди. 

Долбоор боюнча мектеп төрт блоктон турат, эки кабаттуу 375 окуучуга ылайыкталган окуу корпустар, спорттук зал, өтмө галерея. Объекттин жалпы аянты 2 миң 859 чарчы метрди түзөт.

Бүгүнкү күндө, курулуш-монтаждоо иштери 96%га бүткөрүлдү, учурда спорттук залдын ички жумуштары аткарылууда.