«Салимбойвачча» каймана аты менен таанымал өзбекстандык кримавторитет Салим Абдувалиев кечээ, 12-январда ден соолугуна байланыштуу бошотулганын жергиликтүү басылмалар жазышты.
Абдувалиев 2023-жылдын декабрында мыйзамсыз курал сактаган деген шек менен камакка алынган. 2024-жылдын мартында Мирабад райондук соту аны күнөөлүү деп таап, 6 жылга эркинен ажыраткан. 75 жаштагы ишкер буга чейин Улуттук олимпиада комитетинин төрагасынын орун басары жана Өзбекстандын спорттук күрөш Ассоциациясынын төрагасы кызматтарын аркалаган.
