Таласта жол кырсыгы катталып, 2 адам каза болду

Социалдык тармактарда Талас районунда катталган жол кырсыгынын видеосу тарады. ИИМдин Талас облусундагы жол кыймылынын коопсуздугун камсыздоо башкармалыгынын  маалыматына караганда, кырсыктын кесепетинен 2 адам каза болгон.

«Жол кырсыгы бүгүн, 15-январда болжол менен саат 10:00 чамасында Суусамыр-Талас-Тараз унаа жолунун 107-чакырымында катталган. Фольксваген Пассат унаасы менен Хонда Одиссей унаасы сүзүшүп, 2 жаран каза болуп, 5 жаран ооруканага түшкөн. Азыркы учурда териштирүү иштери жүргүзүлүүдө»,- деп айтылат маалыматта.