Замир Арыкбаев, Гүлнара Калдарова. Бир катар маданият кызматкерлери эмгек сиңирген артист наамын алышты

Кыргыз Республикасынын Президенти Садыр Жапаров «Кыргыз Республикасынын мамлекеттик сыйлыктары менен сыйлоо жөнүндө» Жарлыкка кол койду. Бул тууралуу президенттин басма сөз кызматы кабарлады.

Кыргыз Республикасынын социалдык-экономикалык, интеллектуалдык жана маданий потенциалын өнүктүрүүгө кошкон зор салымы, ошондой эле кесиптик ишмердигиндеги зор жетишкендиктери үчүн төмөнкү жарандар мамлекеттик сыйлыктар менен сыйланышты.

Адракаев Совет Оскомбаевичке – Т. Сатылганов атындагы Кыргыз улуттук филармониясынын Ч. Исабаев атындагы “Камбаркан” фольклордук-этнографиялык ансамблинин артисти;

Арыкбаев Замир Асылбековичке – ырчы, Бишкек шаарынын мэриясынын маданият башкармалыгынын “Кыргыз-Руху” фольклордук ансамблинин солисти;

Бекбердинова Жамиля Розалыевнага – Т. Сатылганов атындагы Кыргыз улуттук филармониясынын К. Орозов атындагы академиялык эл аспаптар оркестринин артисти;

Досбаев Топчубай Жоробаевичке – театр жана кино актеру, “Кыргызстан театр ишмерлер союзу” коомдук бирикмесинин мүчөсү;

Көчөрбаева Гүлмира Жоробековнага – Т. Абдумомунов атындагы Кыргыз улуттук академиялык драма театрынын жогорку категориядагы артисти;

Серкебаев Акылбек Жакшылыковичке – Ысык-Көл облусунун Тоң районунун Кажы-Сай айылындагы балдар музыкалык мектебинин мугалими;

Сүймөналиев Нурлан Шаршенкуловичке – А. Малдыбаев атындагы Ленин ордендүү Кыргыз улуттук академиялык опера жана балет театрынын опера солисти, жетектөөчү сахна чебери;

Тилегенова Үмүт Эсенгуловнага – А. Малдыбаев атындагы Ленин ордендүү Кыргыз улуттук академиялык опера жана балет театрынын опера солисти;

Калдарова Гулнара Имамидиновнага – эстрада ырчысы;