Кыргызстанда жинсы кийим чыгара турган алгачкы өндүрүш ачылууда

Кыргызстанда жинсы кийим чыгара турган алгачкы өндүрүш ишке киришүүдө. Бүгүн 31-майда АКШнын Эл аралык өнүктүрүү боюнча агенттиги (USAID) «Текстиль Транс» компаниясына 8,4 миллион сомдук заманбап жабдык тапшырды.

Ишкана жетекчилиги өндүрүлгөн товар алгач жергиликтүү, келечекте чет өлкөлүк базарларга чыгарын, 350 жаңы жумуш орду түзүлөрүн айтууда.

USAIDдин миссия директору Кая Адамс бул долбоор аялдар жана жаштар үчүн жардам болорун белгиледи.

Аталган долбоор алкагында 2018-жылдан бери кездеме токуу, азык-түлүк, айыл чарба, IT жана башка тармактардагы 120дан ашуун ишканага колдоо көрсөтүлүп, 15 миңдей жумуш орду түзүлдү.