Санитардык-эпидемиологиялык көзөмөл департаменти 27 миллион сомго сасык тумоого каршы вакцина сатып алат

Оорулардын алдын алуу жана мамлекеттик санитардык-эпидемиологиялык көзөмөл департаменти сасык тумоого каршы вакцина сатып алат. Бул тууралуу мамлекеттик сатып алуулар порталы билдирет.

Андагы маалыматка ылайык, мекеме бул максаттарга 27 млн ​​297 миң сом жумшап,  81 миң дозаны сатып алууну  пландоодо. Дары өлкөгө 15-сентябрга чейин жеткирилиши керек.

Мындан тышкары кене вирустук энцефалитке каршы 1 миң доза вакцина жана кене вирустук энцефалитке каршы 1 миң 326 доза иммуноглобулин сатып алууга сынак жарыяланганы айтылат маалыматта.