Байге фонду 500 миң сом. Ошто мэрдин кубогу үчүн ат чабыш өтөт

Эгемендүүлүк күнүнө жана Канай уулу Байтик баатырдын 200 жылдыгына карата Ошто мэрдин кубогу үчүн ат чабыш өтөт. Бул тууралуу Ош шаардык мэриясынын басма сөз кызматы билдирет.

Маалыматка ылайык, оюндар 31-августта Төлөйкөн айылындагы ипподромдун аймагында өткөрүлмөкчү.

Ат чабыш үч багытта болот: тай, кунан, аламан.

Спорттук иш-чараны Ош шаарынын мэриясы “Аргымак” федерациясы менен биргеликте уюштурууда. Жалпы байге фонду 500 миң сомду түзөт.

Каалоочулар үчүн кирүү акысыз.