Рамзан Кадыров жашы жете элек балдарын Украинадагы фронтко жөнөтөт
Чеченстандын башчысы Рамзан Кадыров анын жашы жете элек балдары Ахмат, Эли жана Адам жакын арада Украинадагы аскердик операцияга катыша турганын Рамзан Кадыров өзүнүн Telegram каналына жазды.
Анын айтымында, алар «байланыш линиясынын эң татаал участокторуна жайгаштырылат».
«Ахмат, Эли жана Адам атайын аскердик операцияда өз чеберчиликтерин колдонууга даяр. А мен тамашалап жатканым жок. Чыныгы күрөштө өздөрүн көрсөтүүгө убакыт келди, бул алардын каалоосу, мен аны кубануу менен кабыл алам. Жакында алар фронтко барышат жана байланыш линиясынын эң татаал тилкелеринде болушат», — дейт ал.
Кадыровдун айтымында, уулдары Ахмат, Эли жана Адам жаштайынан аскердик даярдыктан өтүшкөн. Ахмат 16 жашта, Эли 15 жашта, Адам 14 жашта.
Чеченстандын башчысы кошумчалагандай, Орусиянын атайын күчтөр университетинин базасында жигиттерге түрдүү курал-жарактар менен иштөөнү, аларды каалаган аралыкта колдонууну жана теориялык негиздерин үйрөтсө болот.
