Киевдин мэри Виталий Кличко борбордо жардыруу болгонун билдирди

Киевдин мэри Виталий Кличко шаардын борбордук райондорунун бири болгон Шевченковский районунда бир нече жардыруу болгонун билдирди. Украинанын борборунда жайгашкан Франс Пресс агенттигинин журналисттери кеминде үч жардыруу болгонун кабарлашты. Жергиликтүү маалымат каражаттары абадан коргонуу системасы иштеп жатканын жазышууда.

«Борбордун Шевченковский районунда бир нече жардыруу болду. Бардык кызматкерлер жерлерге кетип жатат», — деди Кличко Telegram баракчасында. Ал кийинчерээк маалымат берүүнү убадалады.

Украинанын Ички иштер министрлигинин башчысынын кеңешчиси Антон Геращенконун айтымында, Киевдеги ракеталардын бири Украинанын Коопсуздук кызматынын кеңсеси (СБУ) жайгашкан Володимирская көчөсүнө түшкөн. Президент Владимир Зеленскийдин кеңсеси да жакын жерде жайгашкан.Жабыркагандар жана каза болгондор тууралуу азырынча маалымат жок.

“Strana.ua” агенттигинин маалыматына караганда, Киевдеги жардыруу болгон жерде “жарандык унаалар күйүп жатат”. Басылма жарылуулар Днепрде да угулуп жатканын жазат.

Украиналык маалымат каражаттары Житомир, Тернополь жана Хмельницкийде аба чабуулдары учурунда жардыруу болгонун да жазышууда.