Ник Боулер: Улуу Британиянын кыргыз жарандарына виза саясаты өзгөргөн жок

Улуу Британиянын Кыргызстандын жарандарына карата виза саясаты өзгөргөн жок. Бул тууралуу Улуу Британиянын Бишкектеги элчиси Ник Боулер билдирди. 

Анын айтымында, Кыргызстан менен Улуу Британиянын мамилеси жакшырууда.

Ошону менен бирге ал Англия “Бейөкмөт уюмдар жөнүндө” кабыл алынган мыйзам долбооруна карата жарандык позициясын карманарын билдирди.

“Документти колдогон депутаттарга виза бербөө чакырыктарына келсек, бул боюнча кеңири талкуулоого мүмкүнчүлүк болгон жок. Бирок азырынча виза саясаты өзгөргөн жок”, — деди Ник Боулер.