Ички иштер министрлигинде Кыргыз Республикасынын өзгөрүлгөн желеги көтөрүлдү
Бүгүн, 2024-жылдын 1-январь күнү ички иштер министрлигинде Кыргыз Республикасынын өзгөрүлгөн желеги көтөрүлдү.
Иш-чарага ИИМдин Генералдар Кеңешинин төрагасы, милициянын отставкадагы генерал-майору Садырбек Дубанаев, министрдин орун басары милициянын генерал-майору Октябрь Урмамбетов, ИИМдин коомдук коопсуздук кызматынын башчысы милициянын полковниги Сталбек Рахманов, Бишкек шаардык ички иштер башкы башкармалгынын башчысы милициянын полковниги Азамат Токтоналиев, Бишкек шаарынын Биринчи май райондук ички иштер башкармалыгынын башчысы, милициянын полковниги Тилек Түкебаев жана ИИМдин нөөмөт бөлүмүнүн кызматкерлери катышышты.
Генералдар Кеңешинин төрагасы Садырбек Дубанаев ички иштер органдарынын кызматкерлерин жаңы 2024-жыл менен куттуктап, өзгөртүүлөр киргизилген желегибиз желбиреп турушун, элибизге тынчтык, мамлекетте өнүгүү, өлкөбүзгө бакубатчылык каалады.
ИИМ Басма сөз кызматы
