Лейлекте 84,5 млн сомдук мектеп пайдаланууга берилет

Лейлек районунун Сары-Дөбө айылында 150 орундуу мектеп пайдаланууга берилет. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.

Маалыматка ылайык, мектептин жалпы сметалык баасы 84 млн 516 миң 332 сомду түзгөн. Аталган объекти республикалык бюджеттин эсебинен жана Мамлекеттик казына облигациялары тарабынан каржыланган.

«Мектеп заманбап шартта курулуп, эки кабаттан турат. Бүгүнкү күндө курулуш-монтаждоо иштери бүткөрүлүп, тапшыруу алдында турат», — деп айтылат маалыматта.