6-майга карата аба ырайы

6-майга караган түнү жер-жерлердеги жаан-чачынга байланыштуу республиканын тоолуу жана тоо этектериндеги райондорунда сел жүрүшү мүмкүн, дарыяларда суунун деңгээли көтөрүлүшү күтүлөт. Бул туурасында Кыргызгидромет маалымдады.

Дүйшөмбүдө бийик тоолуу райондорго кар түшүп, айрым жерлерде жаан-чачын катуу жаай турганын да айтышты.

Анткен менен абанын температурасы Чүй облусунда +19…+24, Талас жеринде +17…+22, Ош, Жалал-Абад, Баткен аймактарында +23…+28, Ысык-Көл, Нарын чөлкөмдөрүндө +15…+20 градусту көрсөтөт.

Термометрдин көрсөткүчү Бишкекте +21…+23, Ош шаарында +26…+28 градуска чыгат.