Кыргызстандын кирешеси жылдан-жылга өсүүдө

Быйыл үч айда Кыргызстандын кирешеси 89 млрд 91,2 млн сомду түздү. Муну расмий статистика тастыктайт. 

Маалыматка ылайык, 2023-жылдын ушул мезгилине салыштырмалуу мамлекеттик бюджеттин кирешеси 19,78%га өскөн.

Республикалык бюджетке 80,1 млрд сом чогулду. Жергиликтүү бюджеттин кирешеси 13,5 млрд сомдон ашты. Алар 1,6 эсеге өстү (2023-жылдын январь-мартына карата).

Мамлекеттик бюджеттин кирешесинин басымдуу бөлүгүн салыктык кирешелер түзөт, 76 млрд 715,6 млн сом. Аларды мамлекеттик салык жана бажы кызматтары камсыздаган. Мындан тышкары, Мамлекеттик салык кызматы көбүрөөк өлчөмдө 47 млрд 447,4 млн сом салык чогулткан. Ошол эле мезгилде бажы кызматкерлери тарабынан казынага 29 млрд 268,2 млн сом түшкөн.