УКМК Аскер прокуратурасы менен биргеликте пара алып жаткан жеринен аскер комиссариатынын офицери А.Р. аттуу жаранды кармады

Үстүбүздөгү жылдын 11-майында КР Кылмыш-жаза кодексинин 343-беренесинин 1-бөлүгүндө каралган кылмыштын негизинде козголгон кылмыш ишинин алкагында УКМК КР Аскер прокуратурасы менен биргеликте пара алып жаткан учурда аскер комиссариатынын кызматкери А.Р.ны кармады. Бул тууралуу УКМКнын Басма сөз борборунан билдиришти.

Аталган жарандын кызмат өтөгөн жеринде жүргүзүлгөн тинтүү иштеринин жыйынтыгында, акча каражаттары жана аскерге милдеттүүлөр үчүн колдонулган гербдүү мөөр басылган бош бланктар табылды.
Аталган А.Р. тергөө жүрүп жаткан мезгилде тергөө абагына киргизилди.