2024-жылдын 29-июнунда Ысык-Көлдүн жээгинде жыл сайын өтүүчү «Алые маки» эл аралык хореографиялык фестивалы өтөт. Бул тууралуу маданият, маалымат, спорт жана жаштар саясаты министрлигинин басма сөз кызматынан билдиришти.
«Алые маки» эл аралык хореографиялык фестивалы – искусство, музыка жана чыгармачылык жайкы күндүн гармониясында айкалышкан уникалдуу иш-чара.
Фестиваль катышуучуларды шыктандыруу, алардын чыгармачылык жөндөмдөрүн байытуу, позитивдүүлүк жана өз ара шыктануу чөйрөсүндө унутулгус тажрыйба берүү үчүн түзүлгөн.
Долбоордун максаты – таланттарды аныктоо жана бий, вокалдык жана визуалдык искусствону жайылтуу болуп саналат.
Фестивалдын негизги максаттары:
— башка маданияттардын улуттук каада-салттарын урматтоого тарбиялоо үчүн ар кайсы өлкөлөрдүн жамааттарынын биргелешкен иш-аракеттери,
— коллективдердин ортосунда кесиптик жана чыгармачылык байланыштарды түзүү,
— хореографиялык аткаруучулуктун, көркөм чеберчиликтин мыкты үлгүлөрүнүн мисалында эстетикалык табитти калыптандыруу,
— зээндүү аткаруучуларды аныктоо жана колдоо,
— жамааттардын жетекчилеринин жана педагогдорунун кесиптик чеберчилигин жогорулатуу.
«Алые маки» сынагы Эл аралык хореография союзунун колдоосу менен өткөрүлөт.
Фестивалдын Борбордук Азия боюнча координатору болуп «Антре»ЖЧК болуп саналат.
