![](https://kadam-media.kg/wp-content/uploads/2024/07/1054430315_0_0_2835_1595_1280x0_80_0_0_776d26e9fb9c22425d99d4796584fd2a.jpg-780x470.webp)
Президент Садыр Жапаров Эммануэль Макрондун чакыруусу менен 25-27-июлда Францияга иш сапар менен барат. Бул тууралуу президенттик администрациядан билдиришти.
Маалыматка ылайык, сапардын алкагында Садыр Жапаров 25-июлда Париж саммитине катышат.
Мындан тышкары, өлкө башчы 26-июлдагы XXXIII жайкы Олимпиаданын ачылыш аземине катышары кошумчаланды.
Белгилей кетсек, жайкы Олимпиада оюндары Франциянын борборунда 26-июлдан 11-августка чейин өтөт. Анда Кыргызстандын намысын 16 спортчу коргойт.