«Кыргыз темир жолу» аркылуу алты айда 4 млн тоннадан ашык жүк ташылды

2024-жылдын 6 айында “Кыргыз темир жолу” аркылуу 4 млн тоннадан ашык жүк ташылды. Бул тууралуу мамлекеттик ишкананын башкы директорунун орун басары Абдес Анарбеков билдирди.

Анын айтымында, “Кыргыз темир жолу” ишканасынын ишмердүүлүгүнүн маанилүү багыттарынын бири – калктын жүргүнчүлөрдү ташуу муктаждыктарын канааттандыруу. 2024-жылдын 6 айында “Кыргыз темир жолу” тарабынан 109 миңден ашык жүргүнчү ташылган, анын ичинде эл аралык каттамдар боюнча (Бишкек-Самара, Бишкек-Новосибирск жана Бишкек-Казань) 6 миң 970 жүргүнчү ташылган.