Жыл соңунда мамлекеттин кирешеси 30 миллиард сом жоготууга учурашы мүмкүн

456

Каржы министри Бактыгуль Жээнбаеванын айтымында жыл соңунда мамлекеттин кирешеси 30 миллиард жоготууга учурашы мүмкүн.

“Бүгүнкү күндө өлкөбүздө дээрлик бардык бизнес өз ишин убактылуу токтотту. Бул республикалык бюджетти аткарууга олуттуу таасирин тийгизүүдө. Республикалык бюджеттин киреше бөлүгү боюнча төмөндөө процесси жүрүүдө, жылдын жыйынтыгында төмөндөөнүн көлөмү 30 миллиард сомдон ашып кетиши мүмкүн”, – деп билдирди каржы министри онлайн брифингде. Жээнбаеванын маалыматына таянсак, коронавируска каршы күрөшүү иш-чараларынын алкагында бюджеттин чыгашалары көбөйүшү мүмкүн экенин кошумчалады.