Россия жана АКШ Президенттери Владимир Путин менен Дональд Трамп өздөрүнүн телефон аркылуу сүйлөшүүсүндө стратегиялык-чабуулчул куралдар (СЧК) тууралуу сөз козгошкон эмес. Бул тууралуу журналисттерге россиялык лидердин басма сөз катчысы Дмитрий Песков билдирген.
Белгилей кетсек Путин менен Трамптын сүйлөшүүсү жекшемби күнү болгон.
СЧК-3 Россия менен АКШ ортосундагы куралданууну кыскартуу тууралуу келишим бүгүнкү күнгө карата күчүн жогото элек жападан жалгыз келишим болуп саналат. Келишимге ылайык тараптардын ар бири өзүнүн арсеналын кыскартат. Ошентип, жети жылдын ичинде жана келечекте континенттер аралык баллистикалык ракеталардын, суу алдындагы кемелер алып жүрүүчү баллистикалык ракеталардын жана оор, бомба таштоочу техникалардын саны 700дөн, ошондой эле 1500 согуштук дүрмөттөн жана 800 жайпай атар түзүлүштөрдөн ашпоого тийиш.