Курулуш борборундагы 206 жумушчуга Кыргызстандык жарандан коронавирус жукканы айтылууда

287

Мурманск облусунда 206 жумушчуга коронавирус Кыргызстандын жаранынан жугушу ыктымал. Бул тууралуу аталган аймактын губернатору Андрей Чибис билдирди. РИА Новости агенттигинин жазганына караганда, Белокаменка айылындагы “Новатэк-Мурманск” курулуш борборунда иштеген 206 жумушчу коронавирус жуктуруп алган. Дагы 200 киши обсервацияга жаткырылган. “Биздин оюбузча, иликтөөнүн жыйынтыгы көрсөткөндөй, коронавирусту жумушчуларга Кыргызстан жараны жуктурган. Бирок ал тууралуу маалымат бере албайм”,  – деди Чибис.

Учурда Россияда коронавирус жуктуруп алгандардын саны 25 миңге жетти.

2000 жаран сакайып, 198 киши көз жумган.