Посттордон өткөндө талап кылынчу 6 документ. Тизме

933
Айрым айдоочулар карантин кирген аймактарда эреже бузуп, бейтаптарды ооруканага алып барам же пенсионерлерге азык-түлүк жеткирем деген шылтоо менен жеке иштерин бүтүрүп жүрүүдө. Бул тууралуу Республикалык штаб билдирди.

Республикалык штаб өзгөчө абал режими киргизилген аймактардагы карантиндик-санитардык посттордон талап кылынчу документтерди да атады. Алар:

  1. Паспорт;

2. Иштеген, жашаган жеринен маалымкат;

3. Маршруттук баракча;

4. Айдоочунун күбөлүгү;

5. Унаа документтери;

6. Атайын өткөрмө кагазы.

Акыркы маалыматтарга таянсак, Кыргызстанда коронавируска кабылгандардын саны 466га жетип, анын 91и айыгып чыкты. Оорунун кесепетинен беш адам каза тапкан.