![](https://kadam-media.kg/wp-content/uploads/2020/04/6ecf8053-dc0d-4bd8-a74c-00838e45fa93.jpg)
Кеминдеги карантинде калган айылдарга азык-түлүктөр берилди
Таажылуу вирустун катталгандыгына байланыштуу, Кемин районунда Самансур, Кызыл-Суу, Кызыл Октябрь айылдары карантинге алынган. Ушул күндөрү, жеке ишкер Мырза Капаров, 207 үй-бүлөгө ылайыктуу азык-түлүк топтомдорун алып берди. Анын, 157си Самансур айлына түтүнмө-түтүн таратылса, 50 топтом, ишкердин кичи мекени Чоң-Кемин өрөөнүндөгү Көк-Ойрок айылындагы муктаждарга берилди.
![](https://kadam-media.kg/wp-content/uploads/2020/04/6ecf8053-dc0d-4bd8-a74c-00838e45fa93-1.jpg)
Кемин райондук мамлекеттик администрациясы Мырза Капаровго ыраазычылык билдирип, кемин элине жардам беребиз деген элдик атуулдар менен кызматташууга даярдыгын билдирет.
Мындан тышкары, Кызыл-Суу айылынын тургундарына, райондун атайын эсебинен, азык-түлүк таратылган. Ал эми, Ак-түз айылындагы 175 үй бүлө «Ти-Майнинг» ишканасынын колдоосунда азык-түлүк менен камсыздалган.
![](https://kadam-media.kg/wp-content/uploads/2020/04/daccec05-7414-47c7-a975-c5951c5e76ac.jpg)
Райондун расмий баракчасында, «Алтынкен» ишканасына, «Исмалил Матраимов» фондуна, «Патриот ынтымагы» партиясына, Кызыл жарым ай коомуна, Чоң кемин фермерлерине, «Ас-Сафа » коомдук бирикмесине ыраазычылык билдирилген.