Коронавирустан 2,16 млн адам жабыркады

366

Дүйнөлүк Саламаттык сактоо уюмунун маалыматына ылайык коронавирус инфекциясынан жабыркагандардын саны дүйнө жүзү боюнча 2,16 миллиондон ашып, 146 миңден ашык каза болгон.

Соңку маалыматтарга ылайык дүйнө жүзүндө 2 160 207 адам вирус жуктуруп алган болсо, каза болгондордун саны 146 088 адамга жеткен. Акыркы сутка ичинде жуктургандардын саны 85 678 адамга, каза болгондордун саны – 6 710 адамга көбөйгөн. Вирус жуктуруп алгандардын көпчүлүгү баштагыдай эле европалык региондо катталган (1 086 889).