Дарыгерлердин көйгөйүн чечүү үчүн ресурс ишке киргизилди

Бул тууралуу Республикалык штаб билдирди.

Мааламатка ылайык, медицина кызматкерлери жеке каралуучу билдирмелерди med.tunduk.kg ресурсу аркылуу керектүү формада толтурушат.

“Ресурс менен медицина кызматкерлери саламаттык сактоо уюмдарын камсыз кылуучу керектүү каражаттарга, жеке коргонуу каражаттарына, медициналык жабдууларга жана дары-дармектерге байланышкан билдирүүнү жөнөтө алат. Ошондой эле Республикалык штабга жумушундагы көйгөйлөрү жана кыйынчылыктар (өткөрмө кагаздары, тамак-аш менен камсыз кылуу, эмгек акысын төлөө жана башка) боюнча айта алышат”, — деп айтылат маалыматта.

Келип түшкөн билдирмелерди кароонун мөөнөтү жана аларда көрсөтүлгөн маселелерди чечүүнүн тартиби штаб тарабынан эми аныкталары айтылды.

Өлкөдө 134 медицина кызматкери  коронавирус жуктуруп алган.