ЖАМК: «Текебаев камерада телефон катканы үчүн жазаланат…»

Өмүрбек Текебаев камерада телефон катып колдонгону үчүн анын бөгөт чарасы өзгөртүлгөндө гана жазаланышы мүмкүн. Бул тууралуу Vesti.kg жазып чыкты.

Эске салсак, «Ата Мекен» партиясынын лидери Өмүрбек Текебаев «Жалбырак» телеканалына берген маегинде өзүнүн уюлдук телефонун абакта кандайча катып жүргөнүн айтып берген.

— Эгерде, кокустан анын бөгөт чарасы өзгөртүлүп, ал кайрадан темир тор артына отурса, анда аны телефон колдонгондугу үчүн жазаланышы мүмкүн, — деп түшүндүрүштү мекемеде.

— Ага сөгүш жарыялап, бул анын ишине таасир этет. ЖАМКда ошондой эле телефонду абакта жаткан экс-депутатка аны көрүүгө келген тааныштары алып барышканын болжошту.

— Ага абдан көп адамдар келчү, мисалы, Кыйноолорго каршы улуттук борбордон, акыйкатчы институтунан, Жогорку Кеңештин депутаттары, — деп белгилешти басма өз кызматынан. — Колониянын адистери ага мобилдик телефон бере алышмак эмес.

— Видеокамералар саясатчынын өзүнүн коопсуздугу максатында орнотулган, — деп тактады булак.

— Ал ага колониянын ичиндегилерден коркутуулар болуп жатканы тууралуу арыз жазган. Текебаев коопсуздугунан кооптонуп, мындан улам 8 видеокамера, анын ичинде анын камерасында да коюлган. УКМКнын мурдагы башчысынын буга тиешеси жок.

Булак: NazarNews.kg