Жакшы кабар! 19 жаштагы келин үч эм төрөдү

2918

Ош шаарында 19 жаштагы келин үч эм төрөгөнүн Турмуш басылмасы Ош шаардык төрөт үйүнүн башкы дарыгери Зейнеп Исраиловага шилтеме берүү менен жазып чыкты.

Кара-Суу районунун Нариман айылынын 19 жаштагы тургуну кечээ, 27-апрель күнү үч эм кыздарын жарыкка алып келди. Үч эм операция жолу менен төрөлгөн.

Дарыгердин айтымында, эненин жана кыздардын абалы жакшы. Биринчи төрөлгөн кызы 2 кг 400 гр, экинчиси 2 кг 100 гр, үчүнчүсү 2 кг салмак менен төрөлүшкөн. Бул жаш келиндин алгачкы төрөтү.

Зейнеп Исраилова белгилегендей, ымыркайлар 2020-жылдагы Ош шаарындагы алгачкы үч эм. Өткөн жылы 7 жолу үч эм төрөлгөн.