Кечээ, 1-майда, болжол менен саат 9дар чамасында №3 Үй-бүлөлүк дарыгерлер борборунун жетекчиси Жүзүм Асановна Көкүмбаева жугуштуу оорулар ооруканасында коронавирустан көз жумду.
Бул тууралуу VB.KG өздүк маалымат булактарына таянуу менен маалымдады.
“Болгон окуядан кийин көздөн жаш агып жиберди. Ал акылдуу, квалификациялуу адис жана сонун адам болгон, биринчиден, врачтарды мобилдик топтордон башка дарыгерлерден бөлүп чыгарууну жактаган. Акыры, алар COVID-19 менен ооругандар менен байланышты. Ошол эле учурда, алар түшкү тамактануу менен катардагы дарыгерлердин кийимдерин алмаштырышты. Натыйжада №3 поликлиниканын дарыгерлеринин ичинен 13 бейтап ооруп калган», — деп билдирген булак.
Саламаттыкты сактоо министрлиги азырынча бул маселе боюнча эч кандай комментарий бере элек.
26-апрелде саламаттык сактоо министринин орун басары Нурболот Үсөнбаев брифингде №3 үй-бүлөлүк дарыгерлер борборунун кызматкерлери илдетти жумуш учурунда жуктуруп алышканын билдирген.
Акыркы маалыматтарга ылайык, №3 ҮДТнын 13 дарыгери жугуштуу оорулар ооруканасында COVID-19 диагнозу менен дарыланып жаткандыгы, алардын экөөсү жандандыруу бөлүмүндө экени айтылган.
Республикалык ыкчам штаб билдиргендей, республикалык инфекциялык ооруканасында коронавирустан 2 бейтап көз жумду.
Бейтаптардын бири – медкызматкер, №3 Үй-бүлөлүк медицина борборунун үй-бүлөлүк дарыгерлер тобунун жетекчиси К.Д.А. 1962-ж.т., экинчи бейтап 1951-ж.т. Жалал-Абад облусунун тургуну.
Эки бейтапта теӊ эки тараптуу пневмония, оорунун оор өтүшү, дем алуу жетишсиздиги катталган. Аларда дагы кошумча оорулары да бар болгон: жүрөк жетишсиздиги, кант диабети, полиоргандык жетишсиздиги.
Республика боюнча жалпы 10 адам коронавирустан каза тапты.