![](https://kadam-media.kg/wp-content/uploads/2020/05/95785123_1022973381438428_7827503967687933952_n.jpg)
Жалал-Абад милициясы дистанттык окууга байланыштуу түшүндүрүү иштерин жүргүзүүдө
Жалал-Абад ШИИБдин кызматкерлери мугалимдер жана социалдык педогогдор менен биргеликте жаш өспүрүмдөрдүн дистанттык окуусуна байланыштуу жана карантин мезгилинде сууга түшүүлөрдүн алдын алуу багытында түшүндүрүү иштерин жүргүзүүдө.
![](https://kadam-media.kg/wp-content/uploads/2020/05/95914977_293481728321679_4725453749273755648_n-1024x576.jpg)
Алар шаарга караган Тайгараев айылындагы ар бир үйгө киришип, эскертүү баракчаларын таркатышты. Окуучулардын онлайн сабактарын үзгүлтүккө учуратпоо керектиги айтылып, күн ысыган мезгилдерде балдарына көзөмөл кылып, сууга түшүүлөрдүн алдын алууга чакырышты.
![](https://kadam-media.kg/wp-content/uploads/2020/05/95905946_679612025943872_4679152361145368576_n.jpg)
Ошондой эле өспүрүмдөрдүн жүрүм-турумуна да көз салууга үндөштү. Мындан тышкары коронавирус илдетинин жайылуусун болтурбоо багытында бир топ иштер жүргүзүлүп, көчөдө өспүрүмдөрдүн негизсиз жүрүүлөрүнө жол бербөө керектиги эскертилди.
![](https://kadam-media.kg/wp-content/uploads/2020/05/96110788_2880311508743117_4615222400009633792_n.jpg)
Милиция кызматкерлери ата-энелерге санитардык-эпидемиологиялык эрежелерди жана өздүк гигиенаны сактоону айтышып, зарыл жумуштар болбосо үйдө отурууга чакырышты.
Жалал-Абад шаарынын комендатурасынын басма сөз кызматы