Эртен кайсы ишканалар иштеп баштайт? Тизме

Премьер-министр Мухаммедкалый Абылгазиев экономикалык ишмердүүлүктү жандандыруунун этаптуу жол-жобосуна абалдын өзгөрүшүнө жараша оңдоп-түздөөлөр кириши мүмкүн экенин белгиледи.

11-майдан тартып төмөнкү тармактардын иши жанданат:

1. Финансылык жана башка кызмат көрсөтүү чөйрөлөрүнөн:

— микрофинансылык уюмдар;

— камсыздандыруу компаниялары;

— ломбард;

— акча алмаштыруу пункттары;

— кыймылсыз мүлк боюнча агенттиктер;

— туристтик агенттиктер;

— адвокаттык кызматтар;

— басма кызматтары.

2. Калкты тейлөө кызматтарынан:

— сантехникалык, электромонтаждык жана жыгач устачылык иштер;

— тиричилик техникаларын, машиналарды, аппараттарды жана шаймандарды оңдоочулар;

— химиялык тазалоо. 

3. Соода чөйрөсүнөн:

— курулуш материалдарынын дүкөндөрү жана базарлары;

— автотетик, велотетик, комплекттөөчү тетиктер, май жана автомобиль сырларын сатуу базарлары;

— тигүү жана булгаары иштетүү тармактары үчүн кездемелерди, фурнитураларды жана башка буюмдарды сатуу базарлары;

— автосалондор – авторыноктордон сырткары.

4. Массалык маалымат каражаттары.

Ал эми транспорт кырдаал турукташмайынча ишке киргизилбейт.