Айылдашын коркутам деп айры менен сайып алган жаран соттолду

501
hand holding knife with blood stained blade

Ысык-Көл облусунун 45 жаштагы тургуну айылдашын айры менен ичке сайып сот жоопкерчилигине тартылды. Бул тууралуу Жогорку соттун расмий сайтында кабарланды. Өкүмгө ылайык, окуя Ысык-Көл облусундагы айылдардын биринде болгон. Анда жабырлануучу шериги менен айылдашыныкына кымыз ичкени келип, эс алуучу жайдын ээси менен уруша кетишкен. Мас болгондордун бирөөсүн кымызкананын ээси айры менен курсакка сайып жиберген.

Сот отурумунда шектүү адам өлтүрүүгө аракет кылбагандыгын айтып, айры кокусунан сайылып кеткендигин билдирген. “Кымыз ичкени келгендердин арак ала келгенин көргөм. Бир маалда экөө мас болуп кардарларга тийишип баштаганда кетип калгыла дегем. Ошондо бирөөсү менен уруша кетип, аны бир жолу чаап жибергем.

Ал жыгылып, бир аздан кийин туруп кетип калган. Жанындагы шериги мени бир муштап калууга жетишкен. Мен жыгылып, алым жетпей турганын билип, айры менен коркута баштагам. Кандай болуп кеткенин билбейм, бир маалда карасам айры сайылып калыптыр. Бул окуя этиятсыздыктан болду, кылган ишиме өкүнөм жана жеңил жаза берүүңүздү өтүнөм”,  – деп көрсөтмө берген. Жабырлануучу райондук ооруканага жеткирилип аман калган. Ал эми коркута деп, курсак айрыган 45 жаштагы шектүү беш жылга эркинен ажыратылган.