![](https://kadam-media.kg/wp-content/uploads/2020/05/photo5337143606206639515.jpg)
Бишкектен ыктыярчы медиктердин тобу аймактарга вирус менен күрөшүүгө жардам берүү үчүн жөнөп кетти
Бишкек шаарынан 16-17-май күндөрү медициналык адистерден турган кошумча 2 бригада Нарын облусуна жөнөп кетти. Бул тууралуу Саламаттык сактоо министрлигинин маалымат кызматы билдирди.
![](https://kadam-media.kg/wp-content/uploads/2020/05/whatsapp_image_2020-05-18_at_11_39_09.jpeg)
Билдирүүгө ылайык, Нарын облусуна эсеп боюнча төртүнчү жана бешинчи бригада коронавирус менен күрөшүүгө жөнөтүлгөн. Ыктыярчы медициналык адистерден турган 2 бригаданын курамына эки анестезиолог-реаниматолог, акушер-гинеколог, эпидемиолог жана инфекционист кирет.
![](https://kadam-media.kg/wp-content/uploads/2020/05/photo5337143606206639502-768x1024.jpg)
Ошондой эле бүгүн,18-майда Чаткал райондук жалпы медициналык практика борборуна акушер-гинеколог, инфекционист жана реаниматологдон турган топ жөнөтүлдү.
«Ар бир медкызматкер керектүү жеке коргонуучу каражаттар менен камсыздалган. Ал эми аймакка баруу чыгымы, кошумча төлөмдөрү КРнын мыйзамына жана Эпидемиологиялык фонддун жардамына ылайык жүргүзүлөт», — деп айтылат маалыматта.
Эскерте кетсек, коронавирус менен күрөшүүгө аймактарга жалпы 12 бригада жөнөтүлгөн.