Бүгүн, 20-майда Бишкектин вице-мэри Азиз Алымкулов билдиргендей, ишмердүүлүктүн айрым түрлөрүнө мурдагыдай эле тыюу салынат, булар:
-маданий, спорттук, илимий, үй-бүлөлүк, эстелик иш-чараларын өткөрүү;
— Көңүл ачуучу мекемелердин иши;
— балдар оюн-зоок жайларынын, оюн аянтчаларынын иши;
-интернет-клубдардын, ошондой эле компьютердик оюн жайлардын ишмердиги;
— мектепке чейинки билим берүү чөйрөсүндөгү уюмдардын иши.
Эскертке кетсек, 21-майдан тарта Бишкек шаарынын аймагында төмөнкү мекемелерге, соода-түйүндөрдүн иштешине уруксат берген.
Алар:
- бардык тармактар боюнча калкты тейлөө борборлору;
- автоунааларды каттоо борборлору;
- тиричилик буюмдарын оңдоо (бут кийим, саат оңдоо сыяктуу);
- эмерек чогултуу жана оңдоо;
- соода борборлору (андагы балдар ойноочу, тамактануу жана көңүл ачуу жайлары иштебей турат);
- азык-түлүккө кирбеген товарларды сатуучу түйүндөр;
- автоунаа базарлары;
- мал базарлары;
- менчик, чакан мончолор, СПА-борборлор;
- мейманканалардын ишмердүүлүгү (бассейн жана спорт залдары иштебейт).
Мында ишин жанданткан мекеме-уюмдарда талаптардын сакталышы текшерилип турмакчы.