Баймуратов, маданият министри А.Жамангуловду таштанды териңиз деди

Бүгүн, 27-майда, парламенттик жыйында, депутат Калдарбек Баймуратов маданият, туризм жана маалымат министри Азамат Жамангуловдон Бишкекти жана жалпы республиканы таштандыдан тазалоону талап кылды.

“Сиз туризмди өнүктүрүп жатасыз деп ар дайым айтып жатасыз. Өлкө таштандыга көмүлүп жатса, туризм кандайча өнүгөт? Унаа жолуна чыгып, таштандыларды чогултуп бериңиз”, – деп талап кылды депутат.
Жолугушууга кастюм менен келген Маданият министри таң калганын жашырган жок.

Маалым болгондой, таштандыларды чогултууга жергиликтүү бийликтин балансында турган тиешелүү органдар жооптуу.

Маданият министрлигинин балансында мындай кызматтар жок.
Ошого карабастан министр таштандыларды чогултууга ыктыярдуу адамдарды тартуу максатында агенттик кээде ар кандай иш-чараларды өткөрөт деп жооп берди.

“Айрым учурларда биз акциялар өткөрүп жатабыз, ыктыярчылар таштанды чогултууга жардам беришет. Мындай кампаниялар Ысык-Көл, Токмок, Талас жана Ошто болуп өттү”, – деп жооп берди министр.

Министрдин жообу депутатка жаккан жок.

“Ошто мындай иш-аракеттерди жасаган жоксуз. Таштанды чогултуп жаткан жоксуз, бирок премьер министрдин жанына кооз кийим кийип барасыз. Таштанды чогултуңуз !” – деген талап койду депутат.