Жакынкы күндөрү өлкөдө күн ысыйт

Бул жумада күн ысып, абанын температурасы 30 градустан 35 градуска чейин жогорулайт. Бул тууралуу Кыргызгидромет борборунан билдиришти.

Мекеменин билдирүүсүндө, жакынкы күндөрдө өлкөнүн көпчүлүк аймактарында аптаптуу ысык болоору болжолдонууда.

Ага ылайык, Ош, Нарын, Чүй, Жалал-Абад жана Талас облустарында жаан-чачын жаашы мүмкүн экени айтылганы менен абанын температурасы 22 градустан 35 градуска чейин ысык болоору белгиленди.