Бишкекте коронавирус жуктуруп алуу коркунучу жогору бойдон калууда. Бул тууралуу вице-мэри Татьяна Кузнецова билдирди.

Анын айтымында, 2020-жылдын 4-июнуна карата, Бишкек шаарында лабораториялык изилдөө менен коронавирус 499 адамда тастыкталды.

«Алардын ичинен 77си четтен келген жана 422си байланышта болгон жарандардан аныкталган. Медициналык көзөмөлдө 155 адам турат. Ага карабастан, айыгып ооруканадан чыгарылган бейтаптардын саны да жогору болуп — 300 адамга жетти»,- деп билдирди вице-мэри Татьяна Кузнецова.