ВИДЕО-Бишкекте СИЗО-1де камалгандар нааразычылык акциясын өткөрүштү

Бишкекте СИЗО-1де камалгандар ызы-чуу менен нааразычылык акциясын билдиришти. Бул тууралуу убактылуу кармоочу жайдын жанында жашаган тургундар билдиришти.

Айыпталуучулар 30 мүнөткө чейин козголоң чыгарганы айтылды. Жакынкы үйлөргө темир буюмдарды такылдаткан дабыштары угулган.

Жергиликтүү булактардын айтымында, тергөө изоляторунун нааразычылыгы алардын жана СИЗО кызматкерлеринин ортосундагы түшүнбөстүктөргө байланыштуу. 

Азыркы учурда тергөө изолятору тынчып, тыкылдатууну токтоткону белгилүү болду.

Жазаларды аткаруу мамлекеттик кызматы билдиргендей, камактагылар “режимди бузууну” каалашканда, темир буюмдарды ургулаган учурлар көп кездешет, башкача айтканда, тергөө абагынын режимине баш ийгиси келбегендиги менен түшүндүрүштү.