«Ушуну көрүшмөк»: Жириновский АКШда революция башталганын жар салды

АКШ территориясында өтүп жаткан башаламандыктар «революциялык өзгөрүүлөр» менен коштолот. Бул тууралуу ЛДПР лидери Владимир Жириновский өзүнүн телеграм-каналына жазып чыкты.

Саясатчынын оюу боюнча: «Демократтар утулду. Бүгүнкү күнгө чейин Трамптын өлкө башкаруусуна бут тосуулар болуп келгендигин байкаган калың элдин чыдамы түгөндү. Мунун өзү өлкөдөгү саясаттын түп тамырынан бери өзгөрүүсүнө алып келет».

Белгилей кетсек, Жорж Флойддун өлүмүнөн кийин башталган демонстрациялар али да болсо улантылууда. Расизмге каршы мындай акциялар АКШдан сырткары, Улуу Британия, Франция, Германия, Канада, Япония жана башка мамлекеттерди кучагына камтыган.