К. Ташиев: «Июнь окуяларын кагазга түшүрүп китеп кылып койдум»

2010-жылдагы июнь окуялары жөнүндө китеп жазып, аны элге таратуудан кооптонуп жатканын Камчыбек Ташиев «Марал» радиосуна берген маегинде билдирди.
 
«Мен июнь окуясынын арасында жүрүп, улут аралык чырды токтотууга салым коштум. Ошол окуялардын баарын өз көзүм менен көрүп күбө болдум. Мына ошол көргөндөрүмдү көркөмдөбөй, кошумчасы жок, болгонун болгондой кылып кагазга түшүрүп, китеп кылып чыгарууга даярдап койдум. Бирок, аны басып чыгарып, элге таратуудан кооптонуп турам. Китепти жазып, элге таратсам, эл кандай кабыл алат деп ойлонуп жатам. Азырынча китепти жарыялаганга убакыт келе элек окшойт. Балким, бул китеп менден кийин жарык көрөбү,»- деди Ташиев.