Түркиядагы белгилүү гезиттердин бири Hurriyet жаңылыш түрдө Украина президенти Владимир Зеленскийди белгилүү эстрада ырчысы Вера Брежневага «үйлөндү» деп жазып чыгып, бармагын тиштеп отурган чагы.

Аталган гезит Украинанын биринчи айымы Елена Зеленская коронавирус илдетин жуктуруп алды деген макаласына иллюстрация катары «Эң сонун сегиз жолугушуу» аттуу көркөм тасмадагы постерди жайгаштырган. Аталган тасмада В.Зеленский Вера Брежневанын күйөөсүнүн ролун ойногон.

Чуулгандуу текст 17-июнь күнү жарыкка чыгып кеткен.