Бүгүн,
19-июнда өлкөгө Египеттен Кыргыз жарандары учуп келишти. Бул тууралуу Тышкы иштер министрлигинин басма сөз кызматынан маалымдашты.
Маалыматка ылайык, казак тараптын кызматташуусу менен өлкөгө 47 жаран алып келинди.
«Биздин жарандар чартердик каттам менен келишти. Алар Каир шаарынан алгач Алматынын аба майданына конушуп, андан ары атайын дайындалган транспорт менен Бишкек шаарына жеткирилди. Келгендердин арасында 26 студент бар. Калган 21 жаран туристтик жана башка максатта кетип мекенге кайта албай калгандар. Аталган каттам менен келген бардык жүргүнчүлөр обсервацияга алынып, медициналык байкоодо болушат. Чет жакта калып калган мекендештирди кайтаруу боюнча иштер улана бермекчи«, — деп жазылат маалыматта.