Юстиция министри Конституциянын жаңы долбоорун талкуулоо үчүн онлайн аянтча түзүүнү сунуштады

Юстиция министри Марат Жаманкулов конституциялык кеңешменин биринчи жыйынында Конституциянын жаңы долбоорун талкуулоо үчүн онлайн аянтча түзүүнү сунуштады.

“Азыркы кеңешменин курамы кичинекей, аны кеңейтиш керек деп айтылууда. Бирок өлкөдө өзгөчө кырдаал режими аяктай элек. Ошондуктан башка жолдорду кароо керек. Биз сайт тууралуу айтып жатабыз. Баарын батырганга мүмкүнчүлүк жок. Эгер виртуалдуу аянтча болсо, ал жакшы нерсе болот”, – деди ал.

Жыйында комиссиянын төрагасы Бекбосун Бөрүбашев, Конституциянын долбоору менен таанышуу жана сунуштарды берүү үчүн сайт түзүлөрүн билдирди.