Өткөн суткада ковидден 10 бейтап каза болду. 1 398 кишиден вирус аныкталды

Өткөн суткада 1 398 кишиден коронавирус табылып, 1 037 бейтап айыкты. Бул тууралуу Республикалык штаб кабарлады.

Жуктургандар:

• Бишкек шаары – 773;
• Ош шаары – 67;
• Чүй облусу – 177;
• Ош облусу – 73;
• Талас облусу – 11;
• Нарын облусу – 15;
• Ысык-Көл облусу – 52;
• Жалал-Абад облусу – 111;
• Баткен облусу – 119.

Жалпысынан Кыргызстанда 143 668 адам илдет илештирген. Анын ичинен 120 731и ооруну жеңген.

Айыккандар:

• Бишкек шаары – 593;
• Ош шаары – 43;
• Чүй облусу – 117;
• Ош облусу – 94;
• Талас облусу – 6;
• Нарын облусу – 10;
• Ысык-Көл облусу – 32;
• Жалал-Абад облусу – 83;
• Баткен облусу – 59.

Кечээтен бери өлкөдө 10 бейтап коронавирустун курмандыгы болгон. Анын ичинен бешөө Бишкекте, экөө Чүйдө, экөө Жалал-Абадда жана бирөө Ошто көз жумду. Пандемия башталгандан бери оору 2 133 адамдын өмүрүн алды.

Азыркы тапта ооруканаларда 4 675 бейтап дарыланып жатат. Анын ичинен 1 358 бейтаптын абалы оор болсо, 228 кишиники өтө оор деп бааланды. Бир суткада 56 медиктин коронавирус жуктуруп алганы аныкталган.