Баткен өрүгү быйыл эки эсе кымбаттады

Баткенде кургатылган өрүк быйыл башка жылдарга салыштырмалуу эки эсеге кымбат. Бул тууралуу “Акчабарга” Баткен облустук монополияга каршы мамлекеттик агенттигинен билдиришкен.

Кургатылган өрүктүн дүң баасы 2020-жылдын ушул мезгилинде 250 сомдон болсо, быйыл 500 сомго чейин чыккан.

“Кургатылган өрүктүн баасы Баткенден башка жактарга көбүнчө дүң баада сатылат. Өрүк бактарында быйыл түшүм дээрлик 80%га чейин азайган. Өрүктүн аз болгондугунун себеби жаз мезгилинде жаан көп жаады. Кургатылган өрүк көбүнчө ички базарда анан Орусияга гана чыгууда”, — деди Монополияга каршы жөнгө салуу мамлекеттик агенттиктин адиси Мукадас Исаев.

Булак: «Акчабар»