Сүлүктү шаарында эки өспүрүм дайынсыз болуп изделүүдө
Баткен облусунун Сүлүктү шаарында эки өспүрүм дайынсыз болуп изделүүдө. Бул тууралуу Баткен ОИИБинин басма сөз кызматынан билдиришти.
Маалыматка ылайык, милицияга 50 жаштагы тургун арыз менен кайрылып, анын 2007-жылы туулган Жоламан Азимбаев өзү жашаган Сүлүктү шаарындагы үйүнөн 16-январь күнү «досумду айтып келейин» деп саат 10:00дөр чамасында чыгып кеткен бойдон кайрылып келген эместигин билдирген.
Белгилери: бою 160-165 сантиметр, чачы узун, дене түзүлүшү арык чырай. Кийген кийимдери: Ак түстөгү жемпир, кара булгаары куртка, кара түстөгү шым, ак кара түстөгү спорттук бут кийим.
Ал эми ошол эле шаардын тургуну 16-январь күнү эрте менен саат 8:30да үйүнөн жумушка кетип бара жатып, уулун ойготуп коеюн деп киргенде анын 2007-жылы туулган Кылычбек Камалов аттуу уулу бөлмөсүндө жок экендигин билдирип Сүлүктү ШИИБине арыз менен кайрылган.
Белгилери: бою 155-160 сантиметр, чачы, кашы көзү кара түстө, дене түзүлүшү арык чырай, акыл-эси соо. Кийген кийимдери: кара түстөгү жемпир, кара түстө куртка, кара түстөгү шым жана кара түстөгү спорттук бут кийим.
Жогорудагы 2 факты Сүлүктү ШИИБине катталып, издөө иштери жүрүп жатат. Эгерде кимдир бирөө сүрөттөгү балдарды таанып, жүргөн жерин аныктап калса төмөнкү телефондорго кайрылсаңыздар болот. Байланыш үчүн номерлер:
(03653) 5-06-51;
0220 79-35-03
