Инаят Ниматова: Буларды көргөндө айтарга сөз таппай калдым
Адатта, сөз таппай калган учурум деле болбойт. Кечээ болду деп жазат социалдык тармактагы баракчасына жеке ишкер, коомдук активист Инаят Ниматова.
Анын айтымында, 83 жаштагы апа буту баспаган 50 жаштагы баласын жалгыз карайт. Учурда баардык шарты менен жылуу суусу менен жаңы үй салынууда, болгону 50 жаштагы Муратка кровать менен электроколяска керек болууда.
“Садака баардык балээден сактайт!!!
«Миң уккандан, бир көргөн» дегендей, бул эне бала жөнүндө бир тууган агамдан угуп эле жүргөнбүз.
Агам « Жашоо шарттары өтө оор, 83 жаштагы апасы, буту баспаган 50 жаштагы баласын жалгыз карап отурат. Апасы өзү да ооруйт. Тамак ашын биз карап жатабыз , жашап жаткан үйү өтө начар, жаңы үй салып берели» дегенинен, макул деп, акча жөнөтүп атканбыз. Кечээ барып көрдүм.
Эки жылдан бери “Нурлуу кайрымдуу кыздар жамааты” менен тагдырдын сыноосуна баш ийип, оор шартта жашап жаткан көп эле мекендештерибизди көрүп, эмоциябызды контролдогонду үйрөнүп калганбыз, бул жолу андай болбоду…
Айтайын дегеним
Урматтуу кыргыз элим, Мурат бир тууганыбыз менен апасына ичиндеги баардык шарты менен жылуу суусу менен жаңы үй салып бердик, жакында бүтөт буюрса.
Ырыскы берген Аллахыма шугур!!!
Араңыздарда ушул эне балага жардам берет элек деген азаматтар бар экенине ишенем!
Эненин түйшүгүн жеңилдетип төмөнкү сүрөттөгүдой кровать менен электроколяска болсо соонун болот эле.
Мурат бир тууганыбыздын колдору, жөнөкөй колясканы башкара албайт…
Алдын ала чоң рахмат!!!
Кармаган орозонуздар, ибадаттарыңыздар, тилек- дуаңыздар кабыл болсун!!!
Баарыңыздарга бекем ден соолук каалаймын!!!
Сыйлаймын, урматтаймын
Бар болуңуздар!”, — деген ал.
